Om Regjeringsadvokaten

Regjeringsadvokaten er organisert som éin sentral instans med kontor i Oslo, administrativt underlagd Statsministerens kontor. Øvste leiar er regjeringsadvokat Fredrik Sejersted, som etter instruks for Regjeringsadvokaten er utnemnd av Kongen. Administrasjonssjef er Marius Ovesen. I tillegg er fire advokatar med leiaroppgåver med i leiinga.

Hos Regjeringsadvokaten arbeider om lag 50 juristar (advokatar og advokatfullmektigar) og 22 administrativt tilsette.

Hovudoppgåvene til Regjeringsadvokaten er å føre rettssaker på vegner av staten i sivile saker både for nasjonale og internasjonale domstolar, i tillegg til å gje fråsegner om juridiske spørsmål. Klientane til Regjeringsadvokaten er statlege organ, det vil seia regjeringa, departementa og deira underliggjande etatar.